Mir heissä Räffu u Karin Lüthi mit üsne Ching Janina, Manuel, Luisa und Hanna. Ds JuMuSoLa kennä mir scho lang. I üsne Jugendjahr si mir säuber mängs Jahr begeischtereti Lagerteilnähmer gsi. Mir hei üs sogar dert glehrt kennä. 😉 U iz fröie mir üs, scho es paar Jahr aus Leiter derbi z si!
Mir hei mittlerwile e chliine, aber sehr vielsitige Buurebetrieb. Näb üsne Chüe, chli Ackerbou u dr Grüngutsammelstell, füehre mir d Ortsagentur vor emmental versicherung u Räffu isch im Dorf no Wägmeischter . D Karin hilft eifach wos se brucht u luegt mit viu Fröid zu üsem schöne Deheim, em Garte u de Ching. I üsere Freiziit si mir gärn dusse, sigs chli öpis zäme fuuschte, wandere, d Natur gniesse.. u natürlech mache mir o gärn Musig, mir spiele beidi im Posunechor Buchholterberg-Kurzenberg.
D Vorfreud ufs nächschte Lager isch gross, mir si gspannt was mir aus zäme wärde erläbe i derä Wuche.
