I bi d Mirjam, 23i, u wohne ir Linge (es chliises Dörfli am Iigang vom Ämmital). I studiere klinischi Heilpädagogik u Sozialpädagogik ar Uni Fribourg u schaffe ufere Wohngruppe für erwachsni Mönsche mit Beiträchtigunge.
Dernäbe spieleni Euphonium im Posunechor Buchholterberg-Kurzenberg u ir BBO Junior.
Usserhaub vo Musig u Bruef tueni gärn handarbeite, öppis choche oder bache, oder es guets Buech läse.
I bi im JuMuSoLa scho mängisch derbi gsii, früecher aus Teilnähmerin u itze aus Leiterin, u i freue mi mega, mit euch zäme o das Jahr e Wuche vou Musig, Gott, Gmeinschaft u Spass z’erläbe!
